Муркаш районӗнче пурӑнакан икӗ ача амӑшӗ ултавҫӑсене ӗненсе хваттер сутса янӑ. Ӑна сутсан алла кӗнӗ 5 миллион ытла тенке ултавҫӑсене куҫарса панӑ.
Кӑҫалхи авӑн уйӑхӗнче ун патне посылка килнӗ тесе шӑнкӑравланӑ, СМС-ҫырупа килнӗ кода ыйтнӑ. Унтан хайхи патне патшалӑх пулӑшӑвӗнчи уйрӑм пӳлӗме такам кӗни пирки ҫыру килнӗ. Ҫавна шанса хӗрарӑм унта кӑтартнӑ «хӗрӳ» телефон номерӗпе шӑнкӑравланӑ. Унпа Федерацин хӑрушсӑрлӑх службин тата Росфинмониторинг ӗҫченӗсем текен ҫынсем калаҫнӑ.
Вӑл вӗсем каланине итлесе хваттер сутса янӑ. Ку вӑл суя килӗшӳ пулӗ тесе ӗнентернӗ хӗрарӑма хайхисем.
Кайран хӗрарӑм хваттер укҫине, 5 миллион ытла тенкӗ, ултавҫӑсене куҫарса панӑ.
Ултавҫӑсене тата ӗненетчӗ пулӗ те — аппӑшӗ тӑна кӗртнӗ.
-0.7 °C